Град кој спојува култури, цивилизации, континенти

Истанбул - најголемиот град во Турција, се наоѓа долж течението на Босфорскиот теснец кој ја поврзува обалата на Мраморното со Црното Море. Овој огромен град, единствен на светот изграден на два континента (Европа и Азија), има површина од речиси 6.000 км2 и брои над 15 милиони жители според официјални мерења, односно 20 милиони неофицијално. 

Слично како Рим, градот е изграден на 7 брда и избилова со многубројни природни, историски и цивилизациски богатсва. За Истанбул е пишувано многу, инспирација бил и сеуште е на многу дејци, уметници, писатели, архитекти... Започнал како помал  град - Византион, кој потоа прераснува и се развива во Константинопол, па го понесува името Цариград, за денес сите да го знаат како Истанбул.

Денес тој е најзначајниот турски град. Брои преку 20 универзитети, многу библиотеки, културни центри, неизмерно богатство од културно-историски споменици. Иако не е главен град на државата, Истанбул секако е економското и културно седиште на Турција, како и најатрактивниот и најпосетен туристички центар.

Истанбул е фасцинантен и многу возбудлив, град кој ќе посакате да го доживеете повеќе пати во животот.